A couple who were digging a grave to bury their baby, who died shortly after birth, were shocked to find a baby buried alive. The couple were at the cemetery in northern India to bury their baby, who died minutes after birth. While digging a […]
1. I tear my party card for una….Na play una take me play at last….Una fada!
2. I write letter una no gree read….Instead na vex una vex…una begin curse a whole me….Una think say, Olamide call me “Ebora Owu” for nothing abi?
3. Jona come play draught for my house….una no understand the meaning….Una think say him come look Olumo Rock abi?
4. I write anoda letter…una begin dey threaten me….Una dey talk like people wey drink shepe..
5. I say make person “resign and return” to him village…una begin dey harass me.
6. I vex…I show una my fitness with dancing steps…una say I be old skool.
7. I reason am say may be if, I play squash una go get the joke say I dey kampe….still una dey sleep…
8. I come kuku form Third Force, una dey laugh me….una say na “SPENT HORSE”
9. Atiku come Atikulate me for my house….una say me and him no fit be friend lai-lai…
10. All my pikin dem for away…come play home match for Ota…una still dey doubt if me I go support dem.
11. I go Otuoke go chop starch, banga soup with plenty skubia fish for Jona my pikin house, una still no wake up.
12. I go dance Rex Lawson “Sawa le” music for Jona house for Abuja, una think say I dey talk tales by moonlight….una forget say papa and pikin no fit fight forever.
13. I discuss with IBB as things go be….una begin dey draw list of people wey una wan flog…
14. I draw hand for ear to warn una…una do me waka, shege…call me barawo of power project
15. Una carry my pikin join body…I laff una for Ota language. Una forget say lion no dey born goat.
16. Atikulated go obtain Yankee visa…una still dey do Tom and Jerry
17. Atikulated land for Yankee, e be una like movie….Me even think say apolo do una.
18. Atikulated come back….una use sense dodge debate…Himself dodge una trap…
19. See as una don take una hand fetch firewood wey ants plenty inside….Lizards don dey rush come una party o…
20. E be like say time don dey reach wen I go do una NTOOOOR…..una neva see anything!
●Abeg una o my people….Na joke I dey o, abi na comic relief or satire dem dey call am….Make una no begin curse or swear for me ooo. I no be politician o. In fact, I be one of una o (masses). I just dey try catch fun ooo since my Papa burial don reach finish (February 9) and money no dey for my hand. Na to loose abi na release tension or pressure ooo…